விடியலில்லாத இரவை
வேண்டும் குறும்புக்காரனவன்!!
என் அழுகையிலும்
என் வலியிலும்
என் பயத்திலும் கூட
தனக்கான காதலை
முன் பதிவு செய்திடுவான்!!
எங்கிருந்தாலும் எனைப்
பார்க்கும் அந்த வான்நிலவாய்
என் வாழ்வில் அவன்!!
நான் ரசிக்கும் யாவிலும்
இன்னொரு பரிணாமம்
காணும் வித்தைக்காரனவன்!!
தள்ளி நின்றே
எனை இறைத்திடும்
கேணி சகடை அவன்!!
காரணமாய் அவனே இருப்பினும்
நீயில்லை என்ற என்
ஒற்றை பொய்யில்
ஆயிரம் உண்மை
கான்பவனவன்!!
அவன் அவனாய்
நான் நானாய்
இல்லாமல் போகச்செய்யும்
அந்த புலப்பாடா உறவிற்கு
பெயர் வைக்க
என்ன அவசரம் இப்பொழுது
இருந்துவிட்டு போகட்டுமே
பெயரில்லா குழந்தையாய்!!!!!