Thursday, 25 January 2018

காதல் கிறுக்கி

பின்னிருந்து கட்டித் தழுவிடும் போதெல்லாம்  என்னை உப்பு மூட்டைத் தூக்கிடும்  போதுமான வலு கொண்டிருக்கிறாய்..

         தாவிக் கடித்திட விழையும் போதெல்லாம் எளிதில் அகப்பட்டுக்  கொள்ளும் வித்தைக் கற்றிருக்கிறாய்.. 

           எட்டிக் கொடுத்திடும் முத்தம் ஒவ்வொன்றையும் சாதம் விரும்பிடும் குழந்தையாய் வாகாய் வாங்கிடும் காதல் பயின்றிருக்கிறாய்..

        இடைத் தெரிந்திடும் சேலைக் கட்டின் போதெல்லாம் குறிப்பறிந்து பணி செய்கிறாய் ...

        மூச்சின் ஏற்ற இறங்களிலெல்லாம் தாலாட்டிடும் மெத்தைத் தருகிறாய்.. இதைவிட வேறென்ன வேண்டிடப் போகிறதாம் இவள் காதல் போதை தெளியாதிருந்திட❤❤❤