Thursday, 1 December 2016

மழை நியாபகங்கள்

கொட்டித் தீர்க்கும்
வெறியுடன் பெய்யும்
மேகத்தை சட்டைசெய்யாமல்
தூக்கிப் பிடித்த
அரைப் பாவாடையுடன்
வீட்டு முற்றத்தில்
குழி தோண்டி ..குளம் செய்து
கப்பல் விட்ட நானும் ராதாவும்...

ஓஹோ மேகம் வந்ததோனு
ரேவதி போல
மழைல சைக்கிள் ஓட்டி
ஜோதி அத்தை வீட்டு
ரோஜா தொட்டியை உடைச்சு
வாங்கிக் கட்டிக்கொண்ட
நானும் கவிதா மைனியும்..

சூப்பரா இருக்கும்னு
தேடிப்போய் சேமியா ஐஸ் வாங்கி
மழைல நனைஞ்சுகிட்டே தின்ன
நானும் சுந்தர் மச்சானும்..

மழைல நனையாம வீடு
சேர்க்கிறேனு வேகமா
சைக்கிள் ஓட்டி
என் காலை சக்கரத்தில்
மாட்டவச்சு இரத்தம் பாத்த
கண்ணமாமாவும்...

கம்பிகளுக்கிடையை வழியும்
இந்த மழைநீர்
மழைக்கால நியாபகங்களை
பிரத்யேகமாய்
உள்ளுக்குள் பரவச்செய்கிறது...