ஞாயிறு ஸ்பெசலாய் மட்டனை உள்ளே தள்ளி ...கும்பகர்ண தூக்கம் போட்டு...விழித்து...அரைகண் மூடிய நிலையில் நிமிர்ந்து பாக்க... அவள் தரையில் கால் நீட்டி சோபாவில் சாய்ந்து கொண்டு.....மகளுக்கும் மகனுக்கும் ஹோம்ஒர்க் சொல்லிக் கொடுத்தவாறு பூ தொடுத்து கொண்டிருந்தாள்..
எனக்குப் பிடித்த சேலையில் லேசாய் கலைந்த தலையோடு....முகத்தில் விழும் முடியை ஒதுக்கியவாறு....ஒருமுகமான வேலையில் குவிந்த உதடுகளோடு.... அழகாய் இருந்தாள்....
படித்த முடித்த செல்லகுட்டி...கதை சொல்ல சொல்லி அம்மாவை நை நை னு அரிக்க ஆரம்பித்தாள்
கதை சொல்ல வேணும்னா மூனு மூனா ஜாதிப்பூவை எடுத்து வைக்கனுங்கிற கண்டிசனோடு அவள் கதை சொல்ல ஆரம்பித்தாள்....
கண்ணனின் லீலைகள் கதைகளாய் கண் முன் விரிய செல்லகுட்டி ஆர்வமாய் கேட்கலானாள்....பிஞ்சு ரோஸ் விரல்கள் பூவை எடுத்து வைக்க....நீள் வெண்டைவிரல்கள் வாகாய் அதைத் தொடுக்க.....நான் அவளறியாமல் ரசித்துக் கொண்டே கண் சொக்கிக் கிடந்தேன்...
பெண்கள் குளிக்கையில் கண்ணன் உடைகளை திருடிச் சென்ற இடம் வருகையில் ...செல்லகுட்டிக்கு சந்தேகம் வந்திட்டு....திருட்டுதனமானா என்னமானு கேட்டாள்.....
"நாம பேசுறத தூங்கிற மாதிரி நடிச்சுகிட்டே படுத்துகிட்டு கேட்டிட்ருக்காருல அப்பா அது தான் திருட்டுதனம்" னு அவ சொல்லவும் ....இரண்டு குட்டீசும்....."ஐஐஐஐ...அப்பா கப் ஐஸ்" னு கத்திட்டு மேல வந்து விழுந்தாங்க....நா விழித்தவாறு அவள பாக்க....கண்ணடித்து சிரிக்கிறாள்....ராட்சசி....
அழகான ராட்சசி.......